O Concello de Allariz informa a veciñanza de que xa está aberto o prazo de presentación de solicitudes para participar no programa de Termalismo do Imserso 2027, unha iniciativa que achega ás persoas maiores a oportunidade de desfrutar de tratamentos termais en balnearios a prezos reducidos.
Para facilitar a organización e a presentación das solicitudes, o programa estrutúrase en dúas quendas principais con prazos diferenciados:
-
Quenda de febreiro a agosto: O prazo de solicitude permanece aberto ata o día 5 de decembro de 2026.
-
Quenda de setembro a decembro: O prazo de solicitude remata o día 12 de maio de 2027.
As persoas interesadas en ampliar información, resolver dúbidas ou realizar a tramitación administrativa poden acudir aos Servizos Sociais Comunitarios, situados no Fogar dos Maiores (A Barreira, 3), ou ben poñerse en contacto a través do número de teléfono 988 55 40 59.
Animamos a todas as persoas maiores a aproveitar esta oportunidade para coidar da súa saúde, benestar e calidade de vida a través dos beneficios dos circuítos termais.
Source link
